राहुरी ( मधुकर घाटगे )नवरात्रोत्सव निमित्त प्रजापिता ब्रह्मकुमारी ईश्वरीय विश्वविद्यालयाच्या वतीने नऊ ऑक्टोबर पासून श्री वैष्णवी देवी गुफा व दर्शन तसेच चैतन्य दे वींचा देखाव्याचे आयोजन करण्यात आल्याची माहिती राहुरी येथील ब्रह्मकुमारीज संयोजकांच्या वतीने देण्यात आली आहे .राहुरी शहरातील नगरपालिकेचे पाठीमागे असणाऱ्या राजयोग भवन येथे बुधवार दिनांक 9 ऑक्टोबर रोजी सायंकाळी सात वाजता या देखाव्याचे उद्घाटन होणार असल्याची माहिती ब्रह्मकुमारी नंदादीदी यांनी दिली .दिनांक 9 , 10 , 11 ऑक्टोबर पर्यंत या देखाव्याच्या दर्शनाची वेळ सायंकाळी सात ते दहा अशी राहणार असून सायंकाळी साडेसात वाजता आरतीची वेळ असेल , अशी माहिती ही देण्यात आली .स्वप्नपूर्ती कल्पवृक्ष या देखाव्याचे मुख्य आकर्षण असणार आहे . मागील वर्षी ही राजयोग भवन च्या वतीने धार्मिक महोत्सव काळात विविध उपक्रमांचे आयोजन केलेले आहे . नवरात्रोत्सव महोत्सवानिमित्त आयोजित देखाव्याचा लाभ शहरवासीयांनी विशेष करून महिला भगिनींनी घ्यावा , असे आवाहन राजयोग भवन , ब्रह्मकुमारीज यांच्या वतीने करण्यात आले आहे .