*चंद्रकात शिंदे यांना समाजसेवा ' पुरस्कार जाहीर .*जळगाव जामोद (विनायक भगत) येथिल कवी ' व समाज सुधारक चंद्रकात गजानन शिंदे यांना यावर्षीचा संजीवनी संस्थेचा मानाचा 'समाज सुधारक ' हा पुरस्कार जाहीर करण्यात आला असून दि ६ जून रोजी वितरण होणार आहे .महाराष्ट्र शासन पुरस्कार प्राप्त संजीवनी बहुउदे . शिक्षण प्रसारक संस्था केळवद ता चिखली जि. बुलढाणा याच्या वतीने दरवर्षी सर्व जातीय सामुहिक सोहळ्याचे आयोजन करण्यात येत असते . संस्था अध्यक्ष डॉ. निवृत्ती भाऊ जाधव हे आयोजन करून समाजातील ' होतकरी कष्टकरी ' आणि समाजउपयोगी विधायक कार्य करणार्‍या व्यक्तीचा पाठीवर थाप म्हणून सत्कार पुरस्काराचे आयोजनही याच सोहळ्यात करीत असते या वर्षीही आयोजन असून त्यात जळगाव जामोदचे कवी साहित्यिक व समाज कार्य करणारे चंद्रकात गजानन शिंदे यांची निवड 'संजीवनी समाज सुधारक ' या पुरस्कारसाठी झाली आहे .संस्थे व्दारा घोषणा करण्यात आली आहे . सदर पुरस्कार हा केळवद ता चिखली येथे सामुहिक सोहळ्यात उपस्थित मानवरांच्या शुभ हस्ते वितरीत होणार आहे .राष्ट्रीय सचिव शेतमजूर कामगार संघटना ' जिल्हा सरचिटणीस दिव्यांग आघाडी भाजपा . ' विदर्भ सचिव भ्रष्टाचार निर्मुलन समिती राज्य संघटना ' उज्जैनकर फाऊंडेशन जिल्हा सदस्य ' आणि जन संघर्ष शेतमजूर ' आदी संघटनेच्या माध्यमातून चंद्रकांत शिंदे कार्य करीत आहे . कोळी बांधव ' कामगार वर्ग ' शेतकरी वर्ग तसेच दिव्यांग व्यक्तीसाठी विशेष कार्य केले असून चंद्रकात हे कवी आणि साहित्यिक ' गायक सुद्धा आहेत त्यांना महाराष्ट्रात अनेक ठिकाणी काव्य पुरस्कारही मिळाले आहेत . लॉक डावून सारख्या बिकट व परिस्थितित त्यानी घरोघरी शिधा धान्य मिळवून देण्यास विशेष प्रयत्न केले आहेत . ते उत्कृष्ठ आर्टिस्ट सुद्धा आहेत .त्याना हा पुरस्कार जाहीर झाल्यानंतर जिल्हाभरातून चाहत्या कडून अभिनंदनाचा वर्षाव होत आहे .